ABŞ-ın nüfuzlu CNN telekanalı yayımladığı yeni materialda bildirir ki, Rusiya-Ukrayna müharibəsi getdikcə Donald Trampın müharibəsinə çevrilir. Kanalın təhlilinə görə, bu proses həm siyasi, həm də strateji səviyyədə müşahidə olunur.
CNN qeyd edir ki, Konqresdəki respublikaçılar Ukraynaya uzunmüddətli hərbi yardımın ayrılmasını əngəllədikdən və Tramp prezident seçkilərində əsas namizədlərdən birinə çevrildikdən sonra, müharibənin gələcək taleyi daha çox onun mövqeyindən asılı olmağa başlayıb.
“Tramp hələ Ağ Evə qayıtmamışdan əvvəl belə, müharibənin gedişinə təsir imkanları əldə edib”, — deyə məqalədə vurğulanır.
CNN, həmçinin Trampın seçkilərdə qalib gələcəyi təqdirdə Ukraynaya dəstəyin dayandırıla biləcəyi ilə bağlı verdiyi açıqlamaların müharibənin gələcəyini sual altına saldığını bildirir.