ABŞ-də təhlükəsizlik qüvvələri paytaxt Vaşinqtonda şübhəli bir avtomobillə bağlı hərəkətə keçib.
Tacxeber.com“hurriyet”ə istinadla xəbər verir ki, bu barədə ABŞ mətbuatı yazıb.
Şübhəli avtomobilin Ağ Ev ətrafında olması ilə əlaqədar Məxfi Xidmət və Metropolitan Polis Departamentinin əməkdaşları həyəcan vəziyyətinə gətirilib.
Ağ Evin yaxınlığında park edilmiş avtomobilə baxış keçirilərkən, ehtiyat tədbiri olaraq yaxınlıqdakı binalar boşaldılıb və ərazidəki yollar nəqliyyat üçün bağlanıb.
Səlahiyyətli şəxslər hadisə yerinə bomba zərərsizləşdirmə qruplarının göndərildiyini açıqlayıb.
Araşdırmalardan sonra ərazinin təhlükəsiz olduğu məlum olub. Daha sonra yollar nəqliyyatın hərəkətinə açılıb.