Son iki gündə Azərbaycan mediasına diqqətlə baxıram. Axtarıram görüm dövlət qurumları fövqəladə vəziyyətdə vətəndaşlara nə edəcəklərilə bağlı təlimat verirmi?
Axı bombalar, raketlər sərhəddə partlayır. Xəbər agentlikləri yazır ki, İrandakı nüvə mərkəzindən sızma olub. Bəs bununla bağlı Azərbaycan hökumət qurumları vətəndaşlara nə tövsiyyə edir? Heç nə yoxdur.
İnsanlar sosial şəbəkədə savaşan tərəflərə azarkeşlik edir, bomba və raketləri sayır. Ola biləcək qaçqın axını zamanı dövlət qurumları nə edəcək, əhali hansı addımı atmalıdır və sair. Heç nə yoxdur. Ölkəni avtopilota qoyub göydəki raketləri sayırlar. Amma o raketin insanların başına düşməməsi üçün heç bir tədbir görülmür.
Sadəcə onu deyim ki, Norveç, İsveç, Danimarka, Nederland, Almaniya və sair müharibə ərazilərindən uzaqdırlar. Amma iki ildir ki, əhaliyə fövqəladə vəziyyətdə nə edəcəyi izah olunub, hazırlıq aparılıb. Azərbaycan isə deyəsən Antarktitada yerləşir. Ona görə heç nədən narahat olmurlar.