İran ABŞ, Böyük Britaniya və Fransaya İsrailə kömək edəcəkləri təqdirdə onların obyektlərinin də hücuma məruz qala biləcəyi barədə rəsmi xəbərdarlıq edib.
Tacxeber.com xəbər verir ki, bu barədə “Mehr” xəbər agentliyi məlumat yayıb.
Bundan əvvəl həmin agentlik İranın İsrailə qarşı əməliyyatını davam etdirəcəyini, lakin ABŞ-ın Yaxın Şərqdəki hərbi bazalarına da hücum edə biləcəyini bildirib. İndi yeni hesabat ortaya çıxıb ki, İran İslam Respublikasının hücumlarını dəf etmək üçün İsrailə kömək edərsə, İran Yaxın Şərqdə və Fars körfəzindəki ABŞ, Böyük Britaniya və Fransa hərbi obyektlərinə hücum edə bilər.
Tehran hərbi hədəflərlə yanaşı, Qərb ölkələrini Fars körfəzi və Qırmızı dənizdə hücumlarla hədələyib.
Bundan əlavə, İran yaxın vaxtlarda İsrailə qarşı daha geniş zərbələr endirəcəyi barədə ABŞ, Fransa və Böyük Britaniyaya rəsmi məlumat verib.