Yaxın Şərqdə təhlükəli gedişat: Liderlərin məsuliyyətsiz siyasəti bizi yeni bir fəlakətə sürükləyir

İsrailin bu gün İrana qarşı həyata keçirdiyi hücum, regionda gərginliyin kritik həddə çatdığını göstərir. Təəssüf ki, bu vəziyyət, hər iki tərəfdə qərarverici mövqedə olan liderlərin kompromisə deyil, konfrontasiyaya üstünlük verməsinin nəticəsidir.

 

Baş nazir Netanyahu son illərdə milli təhlükəsizlik məsələlərini absurda daşıyaraq dialoq və diplomatiya imkanlarını arxa plana atıb. Münaqişəni hərbi yolla həll etmək cəhdləri isə bölgədə sabitliyi daha da sarsıdır.

Eyni şəkildə, Ayətullah Xameneyinin sərt ideoloji mövqeyi və regional təsir dairəsini genişləndirməyə yönəlik siyasəti, İran xalqını iqtisadi və siyasi təcridə sürükləyib. Onun rəhbərliyi altında rəsmi Tehran sülh dialoqlarına açıq olmaqdan çox, mübarizə ritorikasına üstünlük verib.