İsrail mediası İsrailin Baş naziri Benyamin Netanyahunun təyyarəsinin iki döyüş təyyarəsinin müşayiəti ilə naməlum istiqamətə uçmasını əks etdirən görüntüləri paylaşıb.
Xatırladaq ki, İsrail Hərbi Hava Qüvvələri 13 iyun səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, o cümlədən məşhur nüvə alimləri öldürülüb. (Axar)