Bu gecə İsrail İran ərazisinə böyük zərbə endirib. İDF-nin hədəflərindən biri Natanz nüvə obyekti olub.
“Nour News” xəbər verir ki, azı altı iranlı nüvə alimi həlak olub: “Abdolhamid Minuchehr, Əhmədrza Zülfikari, Əmirhüseyn Fəxri, Mətləbizadə, Məhəmməd Mehdi Tehrançi və Fereydun Abbasi öldürülüb”, – deyə agentlik məlumat yayıb. Onların adları İranın “elm şəhidləri” siyahısına əlavə olunacaq. “Nour News” xəbər verir ki, İsrailin zərbələri ölkənin elmi-texniki tərəqqini dayandırmaq cəhdi hesab olunacaq.
Qeyd edək ki, İsrailin hava əməliyyatları Bakı vaxtı ilə saat 4:00 radələrində başlayıb. Həlak olanlar arasında iranlı alimlərlə yanaşı, SEPAH komandiri Hüseyn Səlami və Baş Qərargah rəisi Məhəmməd Baqiri də var. ISNA-nın məlumatına görə, dinc əhali arasında 1 nəfər ölüb, 24 nəfər yaralanıb.