Bunlar özlərini dövlət adamı kimi deyil, lap balaca uşaq kimi aparırlar. Söyüşdükləri az imiş kimi, indi də döyüşməyə başlayıblar. Maskın gözünün altındakı sirli qaranı görənlər xeyli təəccüblənmişdilər. Nəhayət, bu “gözəlliyi” haradan aldığı məlum olub. Trampın keçmiş müşaviri Stiv Bennon bildirib ki, İlon Maskın gözünün altındakı qara Ağ Evdə Maliyyə Naziri Skott Bessentlə davasından sonra yaranıb.
Hər şey ittihamlardan başlayıb: Mask guya, büdcədə bir trilyon dollara qənaət edəcəyinə söz verib, ancaq cəmi yüz milyard dollar əldə edib. Deyilənlərə inansaq, onların mübahisəsi də bundan yaranıb. Bildirilir ki, ilk olaraq Musk güc tətbiq edib, lakin qarşı tərəfdən sərt cavab alıb.