Ukrayna Quru qoşunlarının komandanı Mixaylo Drapatiy ordunun təlim bölməsinə hücumdan sonra istefa qərarını açıqlayıb.
Tacxeber.comxəbər verir ki, bu barədə o, özünün Telegram kanalında məlumat verib.
“Mən Ukrayna Quru qoşunlarının komandanı vəzifəsindən istefa verməyimlə bağlı hesabat təqdim etmək qərarına gəldim. Bu, faciəyə görə şəxsi məsuliyyət hissimin diktə etdiyi şüurlu addımdır”, – o yazıb.
Qeyd edək ki, bu gün səhər saatlarında Ukrayna Quru qoşunlarının təlim bölmələrindən birinə raket zərbəsi endirilib. Nəticədə 12 hərbçi həlak olub, 60-dan çoxu yaralanıb.
