Yayda açıq havada vaxt keçirmək xoş olsa da, gənə təhlükəsini gözardı etmək olmaz.
Piknik və meşə gəzintiləri zamanı parlaq rəngli paltarlar geyinmək tövsiyə olunmur. Çünki, bu cür rənglər gənələri daha çox cəlb edir.
“Skandinaviya Yoluxucu Xəstəliklər Jurnalı”nda dərc olunan araşdırmada bildirilir ki, parlaq rənglər gənələri adi geyimlərdən 20 dəfə artıq cəlb edə bilər. Alimlər bunun səbəbini hələ dəqiq bilmirlər. Ehtimal olunur ki, bu rənglər maralların qarın nahiyəsinin rənginə bənzədiyi üçündür.