ABŞ prezidenti Donald Tramp niyyətini açıqladıqdan bir neçə gün sonra Fars körfəzinin adının “Ərəb körfəzi” və ya “Ərəbistan körfəzi” adlandırılması ideyasından imtina edib.
Bu barədə CNN danışıqların gedişi ilə tanış olan mənbəyə istinadən məlumat yayıb. Nəşrin mənbələrinin məlumatına görə, buna səbəb İranın bu addıma qarşı çıxması olub.
Bundan əvvəl “Associated Press” xəbər vermişdi ki, Donald Tramp Səudiyyə Ərəbistanına səfəri zamanı Fars körfəzini “Ərəb körfəzi” adlandıracağını elan etməyi planlaşdırır.
Ərəb dövlətləri uzun müddətdir ki Fars körfəzinin Ərəb körfəzi adlandırılmasını tələb edirlər. Pentaqon öz sənədlərində və xəritələrində Körfəzdən “Ərəbistan Körfəzi” kimi də bəhs edir.