Gülnarə Kərimovanın oğurladığı vəsaitin yarısını Belçika özündə saxlayıb.
Belçika Özbəkistanın mərhum keçmiş diktatoru İslam Kərimovun qızı, hazırda həbsdə olan Gülnarənin 216 milyon dollar dəyərində aktivlərinin müsadirə edilməsi barədə qərar qəbul edib.
Belçika məhkəməsi hələ 2014-cü ildə dondurulmuş bu vəsaitlərin Kərimova tərəfindən cinayət və korrupsiya sxemləri ilə əldə edildiyinə qərar verib. Lakin Brüssel qəzetlərinin yazdığı kimi, Belçika göstərilən məbləğin yalnız yarısını Özbəkistana qaytarmaq niyyətindədir. Kərimovun qızının əmlakının qalan hissəsi Krallığın xəzinəsinə daxil olacaq. (Azadlıq Qəzeti)