Almaniyanın Baden-Vyurtemberq əyalətində ekskavator oğurlayan və polis əməkdaşını yaralayan şəxs zərərsizləşdirilib.
Tacxeber.com“Bild” nəşrinə istinadən xəbər verir ki, Main-Tauber bölgəsində bir şəxs ekskavatoru oğurlayıb və Grünsfelddən Tauberbischofsheim şəhərinə qədər idarə edib.
Yol boyu o, polis patrul avtomobillərinə və digər nəqliyyat vasitələrinə ciddi ziyan vurub. Hadisə zamanı bir qadın polis əməkdaşı yaralanıb.
Polis oğrunu yalnız Tauberbischofsheim şəhərində zərərsizləşdirə bilib. Ekskavatoru dayandırmaq mümkün olmadığı üçün hüquq-mühafizə orqanları odlu silahdan istifadə etmək məcburiyyətində qalıb.
Nəticədə həmin şəxs aldığı güllə yarasından həyatını itirib.