NATO AZAL-ın təyyarəsinin Aktau yaxınlığında qəzaya uğraması ilə bağlı dəqiq araşdırmaya çağırıb.
Tacxeber.comxəbər verir ki, bu barədə NATO-nun sözçüsü Farah Dakhlallah bildirib.
O, Azərbaycan Hava Yollarına məxsus təyyarənin Qazaxıstanda qəzaya uğraması ilə bağlı başsağlığı verib və qəza ilə bağlı tam araşdırmaya dair çağırış edib.
“Düşüncələrimiz və dualarımız “Azərbaycan Hava Yolları”nın J2-8243 nömrəli Bakı-Qroznı reysini yerinə yetirən “Embraer 190” təyyarəsində həlak olanların ailələri və qurbanlarının yanındadır. Qəza zamanı xəsarət alanların tezliklə sağalmasını arzulayırıq və hərtərəfli araşdırmaya çağırırıq”, – deyə alyansın nümayəndəsi “X” hesabında yazıb.