Çeçenistan rəhbəri Ramzan Kadırov Vladimir Putin adına Rusiya Xüsusi Təyinatlı Qüvvələri Universitetinə PUA hücumuna cavab olaraq qisas alacağını vəd edib.
Tacxeber.com TASS-a istinadən xəbər verir ki, bu barədə o, jurnalistlərə açıqlamasında deyib.
“Onlar bizi ”dişlədilər”, biz isə onları məhv edəcəyik. Onların heç yuxularında belə görmədiyi qisası yaxın gələcəkdə alacağıq. Heç kimin bizimlə zarafat etməsinə icazə verməyəcəyik”.
Qeyd edək ki, Ukrayna ordusu bu gün səhər saatlarında Vladimir Putin adına Rusiya Xüsusi Təyinatlı Qüvvələri Universitetinin Çeçenistanın Qudermes şəhərində yerləşən binasına dronla hücum edib.