Bu gün İspaniya La Liqasının 11-ci turu çərçivəsində “Real” “Barselona” ilə qarşılaşacaq.
Tacxeber.com xəbər verir ki, bu gün “El-Klassiko” Madriddəki “Santyaqo Bernabeu” arenasında keçiriləcək. Matç Bakı vaxtı ilə saat 23:00-da başlayacaq. Oyunun referisi Xose Sançez olacaq.
Qeyd edək ki, bu komandalar son dəfə avqustun 3-də yoldaşlıq oyununda üz-üzə gəliblər. Həmin vaxt Kataloniya təmsilçisi 2:1 hesablı qələbə qazanıb.
La Liqada isə son “El-Klassiko” aprelin 21-də keçirilib. “Kral klubu” matçda 3:2 hesabı ilə qalib gəlib.
Turnir cədvəlinə 27 xalla “Barselona” liderlik edir. “Real” isə 24 xalla 2-cidir.