Niderland Ukraynaya Rusiyadakı hədəflərə F-16 zərbələrinə icazə verdi

Niderland  Müdafiə naziri Ruben Brekelmans bildirib ki, Ukraynaya verilən F-16 qırıcılarından özünümüdafiə məqsədilə, o cümlədən Rusiyadakı hərbi hədəflərə qarşı zərbələr endirmək üçün istifadə etmək icazəsi verilib.

 

Tacxeber.com xəbər verir ki, bu barədə məlumat Ukraynaya bağlı teleqram kanallarında yayılıb.

 

“Məsələn, raketlərin qarşısını almaq və ya Rusiyadakı hərbi aerodromlara zərbələr endirmək tələb oluna bilər. Bu, həm Rusiyanın ərazisində, həm də onun hava məkanında icazəlidir,” – deyə Brekelmans qeyd edib.

Bu addım Ukraynanın müdafiə potensialını gücləndirmək üçün ciddi bir addım kimi qiymətləndirilir.

Tacxeber.com