Bu gün (01 sentyabr, 2024 -cü il) Milli Məclisinə növbədənkənar seçkilər keçirilir.
Saat 8.00-da başlayacaq seçkidə səsvermə 19.00-dək davam edəcək.
MSK sədri Məzahir Pənahov bildirib ki, səsvermə günü gecə ilkin nəticələr elan ediləcək: “2 gün müddətində məntəqələrdən səsvermə protokolları MSK-ya çatdırılacaq. Bu zaman artıq ilkin nəticələr rəsmi şəkildə elan ediləcək. 20 gün müddətində səsvermənin nəticələri ilə əlaqədar MSK-ya müraciət etmək olar və bu müraciətlərə baxılacaq. Daha sonra isə müraciətlər məhkəməyə göndəriləcək”.
Onu da qeyd edək ki, deputatlığa namizədlərin siyahısı Mərkəzi Seçki Komissiyasının saytında yerləşdirilib.