Son 24 saat ərzində Kursk vilayətinin sərhədyanı rayonlarından 1,7 mindən çox insan təxliyə edilib.
Bu barədə vilayət qubernatorunun səlahiyyətlərini icra edənin mətbuat katibi İrina Tolmaçeva deyib.
“Bölgədə fövqəladə rejimi qüvvədədir, Kursk vilayətinin qubernatoru vəzifəsini icra edən Aleksey Smirnovun əmri ilə gün ərzində 1724 nəfər müstəqil və mütəşəkkil qruplar şəklində təxliyə edilib”, – o bildirib.
Onun sözlərinə görə, evini tərk etmiş 6,5 mindən çox adam Kursk vilayətindəki 84 müvəqqəti saxlama məntəqəsinə yerləşdirilib.