Ukrayna ordusu Kursk vilayətinin 2 mindən artıq insanın  yaşadığı 28 yaşayış məntəqəsinə nəzarət edir. Onların taleyi haqqında heç bir məlumat yoxdur.

Tacxeber.com xəbər verir  ki, bunu Kursk vilayətinin qubernatoru vəzifəsini icra edən Aleksey Smirnov prezidentlə görüşdə bildirib.

Onun sözlərinə görə, Ukrayna ordusu Kursk vilayətində 12 km dərinliyə və 40 km enində ərazini nəzarətə  götürüb.

O əlavə edib ki, Kursk vilayətinə edilən hücumlarda 12 nəfər həlak olub, daha 121 nəfər yaralanıb. Ölənlər arasında 10 uşaq da var.