Aparıcı Lalə Azərtaş qalmaqal yaşadığı mərhum Əməkdar artist Cavanşir Məmmədovla bağlı paylaşım edib.
Tacxeber bildirir ki, Lalə Azərtaş “İnstagram”da hesabının hekayə bölməsində müğənninin ölüm xəbərini paylaşaraq “Allah rəhmət etsin”, – yazıb.
Xatırladaq ki, aylar öncə C. Məmmədovla L. Azərtaş arasında qalmaqal yaşanıb. Buna səbəb müğənninin aparıcının ünvanına səsləndirdiyi ittihamlar olub.
Cavanşir Məmmədov iddia edirdi ki, Lalə Azərtaş onun keçmiş kürəkəni Kemal Mustafanı efirə rüşvət qarşılığında çıxarıb. Bu açıqlamaya qəzəblənən Azərtaş bu iddialara sərt cavab verib.
Onu da xatırladaq ki, C. Məmmədov dünən ürəktutmasından dünyasını dəyişib.
