Rusiyanın Orsk şəhərində su basmış evlərin sayı iki dəfə artaraq 4,4 mini ötüb.
Bu barədə Orenburq vilayətinin qubernatoru Denis Pasler teleqram kanalında məlumat yayıb.
“Hazırda Orskda 1 121 nəfər, o cümlədən 331 uşaq təxliyə edilib. Müvəqqəti yerləşdirmə mərkəzlərində 510 nəfər, o cümlədən 115 uşaq var. 4407-dən çox ev su altında qalıb”, – məlumatda deyilir.
Bildirilir ki, hadisə yerində 600-ə yaxın mütəxəssis, o cümlədən 160 texnika işləyir.
