“Liverpul” rəhbərliyi “Bayer”in baş məşqçisi Xabi Alonsoya müqavilə təklif edib.
Tacxeber.com “TEAMtalk”a istinadən xəbər verir ki, İngilitərə klubunun ispaniyalı mütəxəssisə etdiyi təklif 3 illikdir.
Alonso “Liverpul”da Yurgen Kloppun yerinə əsas namizəd hesab olunur. Alman məşqçi bu mövsümün sonunda “Liverpul”u tərk edəcək.
Qeyd edək ki, Xabi Alonso 2022-ci ildən Leverkuzen təmsilçisini çalışdırır. Bu mövsüm Almaniya çempionatının 23 turundan sonra “Bayer” 61 xalla turnir cədvəlinə başçılıq edir. İkinci yerdə olan “Bavariya”nın aktivində 53 xal var.