Xəbər verdiyimiz kimi, Samir Musa oğlu Rzayev “Azərbaycan Hava Yolları” Qapalı Səhmdar Cəmiyyətinin prezidenti təyin edilib. Prezident İlham Əliyev bununla bağlı sərəncam imzalayıb.

 

Tacxeber.combildirir ki, Samir Rzayev Azərbaycan Dövlət İqtisad Universitetini bitirib. O, təhsilini 2003-2004-cü illərdə Böyük Britaniyanın Durham Universitetində davam etdirib. Həmin universitetdə “Maliyyə və investisiya” ixtisası üzrə magistr dərəcəsini alıb.

 

2009-2017-ci illərdə Azərbaycan İpoteka və Kredit Zəmanət Fondunda Maliyyə şöbəsinin müdiri işləyib. Ölkənin aparıcı şirkətlərindən olan “Paşa Holdinq”ə məxsus “Azərbaycan Supermarket” MMC-yə bağlı olan “Bravo” supermarketlər şəbəkəsində satış müdüri vəzifəsini icra edib. Maliyyə sahəsində rəhbər vəzifələrdə böyük idarəçilik təcrübəsinə malikdir. 2022-ci ilin fevral ayında Prezident İlham Əliyevin müvafiq Sərəncamı ilə Samir Rzayev “Azərbaycan Hava Yolları” QSC-nin vitse-prezidenti, noyabr ayında AZAL-ın birinci vitse-prezidenti vəzifəsinə təyin olunub. “Azərbaycan Hava Yolları” Qapalı Səhmdar Cəmiyyətinin prezidenti təyin olunanadək həmin vəzifənin müvəqqəti icrası “Azərbaycan Hava Yolları” Qapalı Səhmdar Cəmiyyətinin birinci vitse-prezidenti Samir Musa oğlu Rzayevə həvalə edilib.

Tacxeber.com