Türkiyə Prezident administrasiyası İsrailin Baş nazir Benyamin Netanyahunu “soyqırım haqqında hər şeyi deyə bilən və əxlaqdan danışa bilən sonuncu şəxs” adlandırıb.
Tacxeber.comxəbər verir ki, Türkiyə Prezidenti çərşənbə günü Netanyahunu bir daha Adolf Hitlerlə müqayisə edərək tənqid edib. Öz növbəsində Netanyahu deyib ki, “kürdlərin soyqırımını həyata keçirən və onun rejiminə qarşı çıxan həbs olunan jurnalistlərin sayına görə rekorda sahib olan Ərdoğan bizə əxlaqı öyrədə bilən sonuncu şəxsdir”.
“İsrailin baş naziri Netanyahu soyqırımla bağlı demək istədiyi sonuncu şəxsdir. O, mülki şəxslərə qarşı törətdiyi hərbi cinayətləri özünümüdafiə kimi dünyaya satmaq sənətinə yiyələnib. Dünya onun qarşısını ala bilməsə belə, tarix onu qınayacaq. Müharibə cinayətkarı kimi… Əxlaqdan danışa biləcək sonuncu şəxs İsrailin baş naziri Netanyahudur”, – deyə Prezident Administrasiyasının Kommunikasiyalar İdarəsinin rəhbəri Fahrettin Altun bildirib.
Türkiyə prezidenti Rəcəb Tayyib Ərdoğan bundan əvvəl dəfələrlə İsrailin baş naziri Benyamin Netanyahunu “cəllad” və “qatil” adlandırıb və onun siyasi karyerasını uzatmaq və İsraildə ona qarşı açılan məhkəmədən yayınmaq üçün Qəzza zolağında soyqırımı törətdiyini bildirib.
