Son zamanlar kafe, restoranların şişirdilmiş qiymətləri ilə bağlı şikayətlər artır, şok hesablar paylaşılır. Maraqlısı budur ki, “müştərini necə soyaq” tendensiyasına elə adi kafe, hətta yolüstü məkanlar da qoşulub.
Tacxeber.com Bakupost.az-a istinadən xəbər verir ki, jurnalist Əlibəy Zeynallı Hacıqabulda başına gələnləri bölüşüb:
“Hacıqabulda “QədirXum” restoranında spirtli içiki vermirlər, amma tək 2 şiş hinduşka kababına 30 manat alırlar. Kababın üstünə səpilən soğan və göyərtinin də qiyməti ayrı hesablanır ( fotoda – 3 manat). Hesaba baxın: 40 man 90 qəpik. Spirtli versəniz, bundan yaxşıdı. Soyğunçuluqdu. 4 manatlıq şorabadan üfunət iyi gəlirdi. Din pərdəsi altında nələr etmirsiniz?”
Qeyd edək ki, hinduşkanın elə bütövü 30-40 manatdır.
Restoranlarda verən şorabalar isə evlərdə kustar üsulla hazırlanan və istehsal tarixi məlum olmayan məhsullar olur.
