Ermənistanın Məcburi İcra Xidmətinin keçmiş rəisi, general-mayor Mihran Poqosyan Moskvada saxlanılıb. Onun evində axtarış aparılır.
Tacxeber.com “Mash”a istinadən xəbər verir ki, məmur dünən günorta saatlarında Tverskaya küçəsində yol polisi tərəfindən saxlanılıb. Onun yanında qaçqın vəsiqəsi olub. Artıq onun saxlanılması barədə Ermənistan polisinin mərkəzi idarəsinə məlumat verilib və yaxın vaxtlarda Mihranın Rusiya Federasiyasından ekstradisiya ediləcəyi bildirilir. Eyni zamanda, Rusiya tərəfi əvvəllər Poqosyanın vətənə göndərilməsi tələbindən imtina edib.
Mihran Rusiyada məhsulların topdan satışı, yük daşımaları, avtomobil icarəsi və lizinqlə məşğul olub.
Ermənistanda digər məsələlərlə yanaşı, Poqosyan qanunsuz biznes nəticəsində 1,3 milyon dollar vergidən yayınmaqda ittiham olunur. Mayın 17-də isə Ekvador meyvələrini idxal edən şirkət tərəfindən respublikaya gətirilən 250 milyon avro dəyərində bir ton kokain ələ keçirilib. Qadağa Poqosyana məxsus banan tədarükü şirkəti üçün nəzərdə tutulub.
