İran yeni təhdidləri nəzərə almaq üçün hava hücumundan müdafiə (HHM) sistemini yeniləyib.
Tacxeber.com “Mehr”ə istinadla xəbər verir ki, bunu İranın şimal-şərq hava hücumundan müdafiə zonasının komandanı, briqada generalı Məhəmmədrza Məsumi deyib.
Onun sözlərinə görə, İranın hava hücumundan müdafiəsi istənilən təhlükəni aşkar edə bilir. General əlavə edib ki, əgər aerokosmik təhdidlər sürətlə artırsa, o zaman ölkədə müdafiə texnologiyası da eyni sürətlə inkişaf edir.
Komandir təsdiq edib ki, İranın hərbi tərəqqisi yalnız çəkindirməyə yönəlib və qonşuları üçün təhlükə yaratmır.
