Tanınmış boksçu Cared Anderson Oreqon ştatında alkoqol və ya narkotikin təsiri altında avtomobildə odlu silahla düzgün davranmamaq ittihamı ilə həbs edilib.
Tacxeber.com publika.az-a istinadən xəbər verir ki, polisin hesabatında deyilir ki, 23 yaşlı Anderson sürət həddinin 65 km/saat olduğu yerdə 90 km/saat sürətlə getdiyi üçün saxlanılıb. Zabit avtomobildən marixuana qoxusunu müşahidə edib, həmçinin avtomobildə içkinin açıq qabını da müşahidə edib. Avtomobilə baxış zamanı odlu silah da aşkar edilib.
Anderson 7500 dollar girov ödədikdən sonra həbsdən buraxılıb. Məhkəmə bu gün yerli vaxtla səhər saat 9-a təyin edilib. Andersonun promouteri hadisəyə şərh verməkdən imtina edib.
Cared ağır çəkidə dünnya çempionu olmağa ən real namizədlərdən biri hesab edilir. O, keçirdiyi 16 görüşün hamısında qalib gəlib. Bunlardan 15-də rəqiblərini nokaut edib. Son döyüşünü bu ilin avqustunda ukraynalı Andrey Rudenkoya qarşı keçirib və texniki nokautla qalib gəlib.