Xalq yazıçısı Mövlud Süleymanlı Prezident İlham Əliyev tərəfindən Azərbaycan ədəbiyyatının inkişafında böyük xidmətlərinə görə “Şərəf” ordeni ilə təltif edilməsinə görə təəssüratlarını bölüşüb.
M.Süleymanlı Pravda.az-a müsahibəsində ona gösətərilən diqqətə görə Prezident İlham Əliyevə minnətdarlığını bildirib.
“Çox sağolsun, məni qiymətləndirdiyinə görə dərin minnətdarlığımı bildirirəm. Cənab Prezidentimizi daha çox tanıdıqca onunla fəxr edirəm. Məni mükafatlandırdığına görə yox, özünün layiq olduğu uca yerlərə, döyüş meydanında qazandığı qələbələrə görə. Çünki bunlar daha əbədidir. Düzdür, “yazı pozulmaz” deyirlər. Amma mənə qalan, gələcəyə qalan cənab Prezidentin öz xidmətləridir. Hamılıqla birgə ruhumuzu şad etdi. Səsimdən o qədər də bilinməsə də, yerdən göyə qədər təşəkkür edirəm”, – o bildirib.
Xalq yazıçısı səhhətində problemlər olduğunu da deyib: “Bir az səhhətimdə problemlər var. Şəkərlə bağlıdır. Həmişə şəkərim olub…”
