Nurduz (İran) sərhəd-keçid məntəqəsindən Ermənistana avtomobil kolonnasının hərəkəti qeydə alınıb.
Caliber.Az-ın yaydığı görüntülərə görə, daşınan yük içindəkiləri gizlətmək üçün üzərlərinə kölgəlik qoyulur. Lakin İrandan Ermənistana daşınan yükün hərbi məqsəd daşıdığı aydındır.
Saytın əldə etdiyi məlumata görə, yük İranın Bəndər Abbas limanına çatdırılıb.
“Və burada nüanslar ortaya çıxır. Təchizatçı kimdir? İki müstəqil mənbədən əldə etdiyimiz məlumatlara görə, silah göndərən tərəf Ermənistanın son vaxtlar hərbi-texniki əməkdaşlığını sürətlə artırdığı Hindistandır. Yalnız mediadakı açıq mənbələrdən məlum olur ki, Ermənistan və Hindistan 400 milyon dollardan artıq hərbi müqavilə imzalayıblar”, – deyə məqalədə bildirilir.
