Ukrayna ordusu Rusiyaya məxsus S-400 zenit-raket kompleks sistemini məhv edib.
Bu barədə Ukrayna mediası məlumat yayıb.
Sistem Rusiya işğalı altında olan Donbasda məhv edilib.
Ukrayna qırıcıları HIMARS sistemindən istifadə etməklə hava hücumundan müdafiə sistemini zərərsizləşdiriblər.
Bildirilib ki, həmin raket sistemi ilə iyunun 27-də Kramatorskdakı kafe vurulub.
Qeyd edək ki, kafeyə edilən raket hücumu nəticəsində 3-ü uşaq olmaqla, 10-dan çox insan həlak olub, 65 nəfər xəsarət alıb. Ölənlər arasında əcnəbilər də var. (Axar)
