“Azərbaycan bayrağı Anna Akopyanın əmri ilə yandırılıb”.
Tacxeber.com xəbər verir ki, bunu erməni siyasi müşahidəçi Romella Mnatsakanyan deyib. O bildirib ki, Ermənistan cəmiyyəti öz hakimiyyətinin düşünülmüş təxribatının şahidlik edir.
“İrəvanda Avropa çempionatının açılışında çoxmilyonluq televiziya tamaşaçısının gözü qarşısında Azərbaycan bayrağını yandıran stilist Aram Nikolyan Ermənistanın Baş nazirinin ailəsinə yaxın şəxsdir. Ola bilsin ki, bu təxribatın sifarişçisi Baş nazirin həyat yoldaşı Anna Akopyan olub.
Gəlin düşünək, bunun kimə xeyri var? Mən düşünürəm ki, bunun şəxsən Nikol Paşinyan üçün faydalı olduğuna şübhə yoxdur. Nə üçün? Cavab sadədir – ictimai müzakirəni tamam başqa istiqamətə yönəltmək, cəmiyyətdən gizlətməyə çalışdıqları çox mühüm problemdən diqqəti yayındırmaq üçün”, – deyə Mnatsakanyan bildirib./Konkret.az
