“Sosial şəbəkələrdə oğlumun cansız bədəninin tapılması barədə yayılan xəbər yalandır”.
Bu sözləri Globalinfo.az-a açıqlamasında Türkiyədə baş vermiş dəhşətli zəlzələ nəticəsində dağıntılar altında qaldığı bildirilən azərbaycanlı tələbə Şahin Vəliyev anası Esmira Hüseynova deyib.
O bildirib ki, oğlunun dağıntılar altından çıxarılması xəbəri doğru deyil:
“Hazırda qardaşım və dağıntılar altında qalan tələbələrdən biri – Gündüz Nəzərzadənin qardaşı hadisə yerindədirlər. Oğlum və digər tələbələr hələ də dağıntılar altındadır. Onların olduğu yerdə betonu dağıda bilməyiblər. Hadisə yerinə Çin xilasediciləri cəlb olunub. Allahın köməyi ilə sağ-salamat çıxarlar”.
