Yeni il gecəsi Ukraynanın hava hücumundan müdafiə qüvvələri Rusiyanın 45 “Şahid” tipli dronlarını (İran istehsalı) məhv edib.
Bu barədə Ukrayna ordusunun Hərbi Hava Qüvvələri məlumat yayıb.
“Dekabrın 31-dən yanvarın 1-nə keçən gecə rus işğalçıları İran istehsalı “Şahid-131” və “Şahid-136” kamikadze pilotsuz uçan aparatları (PUA) ilə Ukraynaya hücum ediblər”, – məlumatda bildirilir.
Müxtəlif istiqamətlərdə hücum əməliyyatlarına cəlb olunan 45 İran dronunun hamısı məhv edilib.
