Gürcüstan hökuməti ölkəyə daxil olmaq istəyən rusiyalıların böyük axını ilə əlaqədar Rusiyadan olan kişilər üçün bu gündən sərhədləri bağlaya bilər.
Bu barədə Ukraynanın “FreeDom” telekanalının efirində Gürcüstanın müxalif “Vahid Milli Hərəkat” Partiyasından deputat Nona Mamulaşvili bildirib.
“Gürcüstan hökuməti rusiyalıların Gürcüstana bu kütləvi axınını dayandırmaq üçün indiyədək heç nə etməyib. Bizə izah etdiklərinə görə, bazar ertəsi (26 sentyabr – red.) sərhədləri bağlayacaqlar. Bu, onların indiki mərhələdə edə bildikləri yeganə şeydir”, – deyə parlamentari izah edib.
Onun sözlərinə görə, ölkəyə giriş qadağası ilk növbədə 18 yaşdan 55 yaşa qədər kişiləri əhatə edə bilər.
Mamulaşvili onu da vurğulayıb ki, Gürcüstan hökumətindən hələlik heç bir rəsmi açıqlama daxil olmayıb. (RBK)
