Ukraynadan çağırış: ZAES ətrafındakı əraziləri tərk edin!
Zaporojye AES-in yaxınlığında yaşayan sakinləri yaşayış yerlərini tərk etməyə çağırırıq. Ruslar hər hansı humanitar dəhlizlərə məhəl qoymurlar, ona görə də vətəndaşlardan xahiş olunur ki, bu əraziləri özbaşına tərk etməyin yolunu tapsınlar.
Tacxeber.az xəbər verir ki, bunu Ukrayna Baş nazirinin müavini və müvəqqəti işğal olunmuş ərazilərin reinteqrasiyası üzrə nazir İrina Vereşşuk deyib.
“Ruslar ukraynalıları və bütün dünyanı şantaj etməkdə davam edir. Dünən BMT Təhlükəsizlik Şurası ZAES-dəki vəziyyətlə bağlı növbəti dəfə iclas keçirib. Rusiya dövləti nüvə terrorizmində birbaşa iştirak edir. Bu, bəşəriyyət tarixində ilk presedentdir”, – Vereşçuk bildirib.