Dünyada süni insan yetişdirilməsi mərhələsi başlayır. Belə ki, İsraildə orqanları funksional olan süni embrionlar yaradılıb. Məsələnin diqqət çəkən yanı odur ki, onları yaratmaq üçün sperma, yumurta və ana bətnindən istifadə edilməyib.
Lent.az xəbər verir ki, İsrailin “Weizmann” Elm Tədqiqat İnstitutunun alimləri sperma, yumurta və hətta uşaqlıqdan istifadə etmədən kök hüceyrələrdən sintetik siçan embrionları yaradıblar. Onlar embrionu böyütməyi bacarıblar, bundan sonra ürək döyüntüsü də daxil olmaqla bütün orqanların əsas elementlərinə sahib oldular.
“Weizmann” Elm Tədqiqat İnstitutunun başqa bir qrup alimi isə ana bətnindən kənarda embrionları daha effektiv şəkildə böyüdə bilən cihazın hazırlanması istiqamətində işlər aparır.
Alimlərin araşdırmalarına görə, sintetik embrionların genlərinin daxili strukturu təbii embrionlarla 95% oxşarlıq təşkil edir.
Hələlik eksperimentlər siçanlar üzərində həyata keçirilib. Amma məlum məsələdir ki, milyonlarla investisiyalar yatırılmış belə tədqiatlar siçanlar yox, insanlar üçün nəzərdə tutulur.
Tacxeber.azhttp://Tacxeber.az