Rusiyada yaşayan erməni idmançı və bloger Vladimir Vanyan həbs edilib.
Tacxeber.com “Sport-ekspress”ə istinadən xəbər verir ki, Krasnodar vilayətinin Leninski Rayon Məhkəməsi pauerliftinq üzrə dünya çempionu Vladimir Vanyan barəsində həbs qətimkan tədbiri seçib.
Bildirilib ki, o, martın 24-də sosial şəbəkədə canlı yayımda separatçı bəyanatlar verib. Belə ki, Vanyan videoda “Qarabağ da, Krasnodar da Ermənistandır”, – deyib.
Bundan sonra Vladimir Vanyanın yeri müəyyən edilib və Rusiya Federal Təhlükəsizlik Xidmətinin keçirdiyi əməliyyatla saxlanılıb.