Rusiya İstintaq Komitəsinin sədri Aleksandr Bastrıkin Çeçenistan Respublikasına səfər edərək Qroznı şəhərində əməliyyat müşavirəsi keçirib.
Bastrıkinə “Azərbaycan Hava Yolları” QSC-nin Qazaxıstan Respublikasının Aktau şəhəri yaxınlığında göyərtəsində Azərbaycan Respublikası, Qazaxıstan Respublikası, Qırğızıstan Respublikası və Rusiya Federasiyası vətəndaşlarının olduğu təyyarənin qəzaya uğramasının şəraitinin araşdırılması barədə məlumat verilib.
Bildirilib ki, məlum hadisə ilə əlaqəda Rusiya Federasiyası Cinayət Məcəlləsinin 263-cü maddəsi (hərəkət təhlükəsizliyi və hava nəqliyyatının istismarı qaydalarının pozulması) maddəsi ilə cinayət işi başlanıb və cinayət işi hərtərəfli araşdırılması üçün Rusiya İstintaq Komitəsinin Baş İstintaq İdarəsinə təhvil verilib.
İstintaq-əməliyyat qrupu yaradılıb ki, onun da tərkibinə müstəntiqlər, kriminoloqlar və təyyarə qəzalarının təhqiqatında təcrübəsi olan ekspertlər daxildir.