Bölgələrdə ağartı məhsullarının qiymətində bahalaşma müşahidə edildiyi haqqında məlumatlar var.
Baku TV-nin əməkdaşı məsələni aydınlaşdırmaq üçün İsmayıllı bazarında olub.
Satıcıların sözlərinə görə, qiymət artımı heyvan yemlərinin baha olması ilə əlaqədardır.
“Heyvan saxlayanların sayı azalıb. Belə olan halda vəziyyət bizim üçün də çətin olur. Məhsulu aşağı qiymətə almaq istəyirik ki, alıcıya ucuz sata bilək. Əvvəllər yağı 10 manata alıb, 12 manata satırdıq, indi isə 16-ya alıb, 18-ə satırıq”, – Fatmaxanım Rüstəmova deyib.