KXDR özünü nüvə dövləti elan etdi – RƏSMİ
Şimali Koreya (KXDR) özünü nüvə silahı dövləti elan edən qanun qəbul edib.
Tacxeber.azBBC-yə istinadən xəbər verir ki, ölkə lideri Kim Conq Un bu barədə qərar qəbul edib və nüvəsizləşdirmə ilə bağlı hər hansı danışıqların mümkünlüyünü istisna edib.
Qanun həm də ölkənin özünü qorumaq üçün qabaqlayıcı nüvə zərbəsindən istifadə etmək hüququnu təsbit edir.
Zərərverici sanksiyalara baxmayaraq, Pyonqyanq 2006-2017-ci illər arasında altı nüvə sınağı keçirib.
O, BMT Təhlükəsizlik Şurasının qətnamələrini pozaraq, qonşularını təhdid etmək və hətta potensial olaraq ABŞ-ı yox etmək üçün hərbi qabiliyyətini inkişaf etdirməyə davam etdi.