Çinin “ByteDance” şirkəti ABŞ-nin şirkətin sahibi olduğu məşhur “TikTok” video tətbiqini satmağa məcbur edən qanunu qəbul etməsindən sonra biznesini satmaq niyyətində olmadığını bəyan edib.
Tacxeber.comxəbər verir ki, bu barədə şirkət sahibi olduğu “Toutiao” sosial şəbəkə platformasındakı rəsmi hesabında məlumat yayıb.
Məlumata görə, şirkət “TikTok”u satmaq planlarının olmadığını və xarici mətbuatda “ByteDance”ın “TikTok”u satacağı ilə bağlı xəbərlərin doğru olmadığını bildirib.
Şirkət həmçinin, həftənin əvvəlində “TikTok”la bağlı konstitusiyaya zidd qanuna məhkəmədə etiraz edəcəyini qeyd edib.
“Biz özümüzə tam inanırıq və məhkəmədə hüquqlarınız üçün mübarizəmizi davam etdirəcəyik”, – “TikTok”un sahibi Şou Tszı Çu deyib. Qeyd edək ki, “TikTok”la bağlı qanun ABŞ Prezidenti Co Bayden tərəfindən çərşənbə günü imzalanıb.
Xatırladaq ki, “ByteDance” Çin hökumətinin “TikTok” üzərində nəzarəti olduğuna dair iddiaları dəfələrlə təkzib edib.
