“Liverpul”un futbolçusu Luis Diasın valideynləri oğurlanıb.
Tacxeber.comxarici KİV-ə istinadən xəbər verir ki, hadisə Kolumbiyada baş verib. Bildirilir ki, Diasın valideynləri avtomobili idarə edərkən motosikletli şəxslər onların yolunu kəsib. Kolumbiya mətbuatının məlumatına görə, polis artıq futbolçunun anasını xilas edə bilib. Hazırda atasının azad edilməsi üçün əməliyyat aparılır.
26 yaşlı Dias ötən ilin yanvarında “Portu”dan “Liverpul”a keçib. Bu müddət ərzində kolumbiyalı vinger İngiltərə klubunun heyətində bütün turnirlərdə 58 oyuna çıxıb və 14 qol vurub.
