Baku TV-də yayımlanan “Arzunun vaxtı” verilişinin yeni buraxılışı efirə gedib.
Verilişin budəfəki sayında salfet sataraq ailəsini dolandırmağa çalışan Ruhlan Ərşadoğlu öz həyat hekayəsini danışıb.
Serebral iflicdən əziyyət çəkən Ruhlan internat məktəbində böyüyüb:
“Əməliyyatdan sonra həkimin məsləhəti ilə anam məni uşaq evinə qoydu. Fiziki məhdudiyyətli birinin oraya uyğunlaşması çətin idi. Amma adam zamanla öyrəşir”.
Görmə məhdudiyyəti olan şəxslə ailə quran Ruhlan həyat yoldaşından güc aldığını deyir:
“Bəlkə də həyat yoldaşım olmasa, daha da pis olaram. Onun əziyyətinin qarşılığını vermək istəyirəm, amma alınmır”.
