İranın “Ağcaqanad Donanması” İranın Hörmüz Boğazını blokada etmək strategiyasının əsas elementinə çevrilib. Minlərlə silahlı sürətli qayıqdan ibarət olan bu donanma hibrid dəniz təhdidi kimi fəaliyyət göstərir. 185 km/saat sürətə çata bilən sürətli qayıqlar ticarət gəmilərinə hücum edir və dərhal yoxa çıxır.
Pentaqonun məlumatına görə, İran donanmasına əhəmiyyətli itkilər, o cümlədən əksər hərbi gəmilərinin batmasına baxmayaraq, “Ağcaqanad Donanması” indiyə qədər məhv edilməyib.
“New York Times” qəzetinin yazdığına görə, bu qayıqları peyk görüntülərində və radarlarda aşkar etmək çətindir və onların bazaları tez-tez İran sahilləri boyunca yeraltı sığınacaqlarda gizlədilir, bu da onları dar boğazdan keçən ticarət gəmiləri üçün xüsusilə təhlükəli edir.
Beynəlxalq Dəniz Təşkilatının məlumatına görə, İrana qarşı müharibənin başlanğıcından bəri Hörmüz boğazında gəmilərə ən azı 20 hücum olub. Ötən həftə sonu boğazdan keçməyə çalışan iki Hindistan tankeri atəşə tutulub.