Hindistanın qərbindəki Qucarat ştatında kanatlı körpü uçub. Hadisə nəticəsində azı 120 nəfər ölüb.
Bu barədə Morbi dairəsinin polis rəisi bildirib.
“İndiyədək 120 nəfərin meyitini tapmışıq. Axtarış əməliyyatları getdikcə həlak olanların sayının, böyük ehtimalla, artımı davam edəcək”, – o qeyd edib.
Faciə yerində olan mənzil tikintisi və kənd rayonlarının inkişafı naziri Briceş Merca bildirib ki, ölənlərin əksəriyyəti qadınlar və uşaqlar, eləcə də qocalardır.
