Günahsız insanlara elə asanlıqla 13 il, 10 il, 9 il həbs cəzaları tələb edib, hökmlər çıxarırlar ki, ölkənin acı reallıqlarına nə qədər bələd olsan da, yenə də heyrətlənməyə bilmirsən.
Azər bu ölkənin uzun illərdir tanıdığım işıqlı insanlarından biridir. Adam öldürməyib, vətəni satmayıb, oğurluq‐quldurluq eləməyib, kiminsə namusuna toxunmayıb ki, 13 il yatsın.
Mən Azərin tezliklə çıxacağına inanıram. Təəssüf ki, ölkənin gedişatı ilə bağlı (yaxın perspektiv baxımından) eyni ümidi bölüşmək olmur. Amma hər şeyin bir başlanğıcı olduğu kimi, sonu da var. Həyat, yaşam düz xətt üzrə irəliləyən bir fenomen deyil, dəyişiklik geciksə də, təbii və qaçılmaz aqibətdir.
Nə demişdi Nazim Hikmət?
Yok öyle umutları yitirip karanlıkta savrulmak
Unutma, aynı gökyüzü altında bir direniştir yaşamak
Bir az daha sabır, bir az daha inat
Kapının arkasında bekleyen ölüm değil, hayat…