İsrail Baş naziri Benyamin Netanyahunun dünən telefon danışığı zamanı çəkilmiş şəkli bütün dünyada böyük sensasiyaya səbəb olub.
Belə ki, Netanyahunun telefon kamerasını lentlə örtməsi diqqətdən yayınmayıb.
Şəkil sosial mediada tez bir zamanda minlərlə şərh alıb və “Netanyahu nəyi gizlədir?” və “Niyə belə bir tədbir görülüb?” kimi suallar yaradıb.
Kibertəhlükəsizlik mütəxəssisləri tərəfindən diqqətlə araşdırılan şəkillər telefon kamerası vasitəsilə edilə bilən xarici müdaxilənin və icazəsiz görüntü çəkilişinin qarşısını almaq üçün sadə, lakin təsirli bir tədbir kimi təsvir edilib. Mütəxəssislərin fikrincə, kameranı lentlə örtmək mümkün kiberhücum və ya casusluq fəaliyyəti halında rəqəmsal izləmə riskini tamamilə aradan qaldırır.
Bir çox yüksək vəzifəli siyasətçinin əvvəllər Netanyahu ilə eyni metoddan istifadə etdiyi məlum olsa da, bu seçim dövlət rəsmilərinin şəxsi ünsiyyət təhlükəsizliyinə verilən əhəmiyyəti yenidən gündəmə gətirib.
