Britaniya Ukraynanı dəstəkləmək üçün “kölgə donanması” neftindən istifadə edə bilər. London təkcə Rusiyanın “kölgə donanması”ndan tankerləri saxlamağı deyil, həm də müsadirə edilmiş nefti satmağı, əldə edilən gəliri Ukraynaya hərbi yardıma yönəltməyi düşünür.
Bu barədə “The Times” qəzeti hökumət mənbəyinə istinadən məlumat yayıb. Qəzetin mənbəyinə görə, hakimiyyət orqanları belə bir sxemin hüquqi mümkünlüyünü təhlil edir. Məqsəd Rusiya büdcəsinə zərbə vurmaqla yanaşı, eyni zamanda Ukrayna Silahlı Qüvvələrini sanksiyalı neftlə maliyyələşdirməkdir.
Yaxın günlərdə iki tankerin La-Manş boğazından keçməsi planlaşdırılır və potensial olaraq ilk nümunəyə çevriləcək. Planın praktikada tətbiq olunub-olunmayacağı bəlli deyil, çünki məsələ hüquqi və beynəlxalq prosedurlardan asılıdır.